Ikona e mbrojtjes së mjedisit, e betejave kundër ndryshimeve klimatike dhe e të Premteve për të Ardhmen, Greta Thunberg rrezikon të etiketohet si simbol i “udhëtimit në kohë”.

Por pse figura e saj, aq e admiruar nga shumë njerëz si e diskutueshme nga këndvështrime të caktuara, përfundoi në qendër të një polemike të re fantastiko-shkencore?

Le t’i marrim gjërat me radhë dhe ta fillojmë nga e para. Disa njerëz janë bindur se aktivistja e famshme kundër ndryshimeve klimatike është portretizuar në një foto të vjetër të 120 viteve më parë.

Në fakt, në rrjetet sociale ka filluar të qarkullojë një imazh që portretizon një vajzë shumë të ngjashme me vajzën e re suedeze, e marrë në vitin 1898 nga Eric Hegg në një minierë ari në Yukon të Kanadasë.

E lançuar nga teoricieni i konspiracionit britanik Paul Joseph Watson, në fakt, ngjashmëritë janë të shumta dhe tiparet e fytyrës dhe prerja e syve janë absolutisht të ngjashme.

Imazhi në fjalë i përket arkivave të Universitetit të Uashingtonit në Seattle dhe është i disponueshëm falas në internet.

Shumë, pra, duke vënë re ngjashmërinë, filluan të flasin për këtë rastësi të jashtëzakonshme, duke iu referuar faktit se Greta Thunberg është një lloj “udhëtareje në kohë”, e cila erdhi tek ne në vitet 1920 për të na paralajmëruar për rreziqet e ndryshimeve klimatike.

Nuk mungojnë komentet për të, mes atyre që janë të tmerruar nga imazhi dhe atyre që janë tejet skeptikë. Janë shfaqur edhe disa hipoteza konspirative që tregojnë vajzën si klon të asaj vajze të vitit 1898…

Ngjashmëritë, thamë, janë të shumta. Aq shumë, saqë ka nga ata që tashmë kanë cituar filmin Back to the Future, duke pyetur veten: “Unë thjesht dua të di se si Greta Thunberg arriti 1.21 GigaWatts të energjisë diellore për të bërë të mundur udhëtimin në kohë”.

Udhëtare në kohë, klon apo ngjashmëri e thjeshtë (e habitshme)? Në internet, hipotezat janë të gjitha të vlefshme dhe të hapura për interpretime të reja të mundshme.