Franca përshpejton dhe pas ditëve të para të vështirësive të mëdha për fillimin e fushatës së vaksinimit dhe polemikat pasuese, njofton se në ditët e ardhshme do të arrijë vendet e tjera evropiane.

“Amplifikoni, përshpejtoni, thjeshtoni”: këto janë udhëzimet e diktuara nga Ministri i Shëndetësisë, Olivier Véran, i cili njoftoi – këtë mëngjes për mikrofonët e radios RTL – fillimin e vaksinimit “deri në fund të janarit” për njerëzit mbi 75 vjeç.

Përveç kësaj, qeveria do të lejojë francezët që dëshirojnë të vaksinohen të regjistrohen për një takim “në ditët e ardhshme”.

Ky regjistrim do të bëhet “në internet, me telefon dhe, pse jo, edhe përmes aplikacionit për smartphone TousAntiCovid”.

Qeveria është në sy të stuhisë për polemikat mbi ngadalësinë e fillimit të vaksinimit në një vend si Franca e cila ka tejkaluar pragun e 65,000 vdekjeve nga Covid:

“Dje kemi tejkaluar 2000 vaksinat – garanton Véran – nga e enjtja do të rritemi përsëri në një mënyrë shumë të rëndësishme, duke shkuar në një kurbë eksponenciale”.