Shumica e njerëzve që kanë, do të kenë ose kanë pasur COVID-19 përjetojnë simptoma për disa ditë ose javë dhe më pas shërohen.

Megjithatë, jo të gjithë e shkundin plotësisht: për disa, makthi i Coronavirus vazhdon edhe për disa muaj.

Ky grup njerëzish, që përjetojnë pasojat e virusit për më shumë se 12 javë, është pjesë e një grupi në rritje të pacientëve të ashtuquajtur “long Covid”.

I udhëhequr nga studiues nga Italia dhe Britania e Madhe, një studim i ri kërkoi të kuptonte se sa zgjasin disa simptoma të COVID-19.

Në veçanti, autorët donin të dinin se sa kohë u duhet pacientëve me simptoma të lehta për t’u shëruar nga disa nga simptomat e para të COVID-19, përkatësisht humbja e shqisës së shijimit dhe nuhatjes.

Studimi arriti në përfundimin se shumica e pacientëve e rikuperuan ndjenjën e nuhatjes brenda dy viteve. Duke diskutuar studimin e tyre, ata shkruan:

“88.2% e pacientëve që raportuan një mosfunksionim të nuhatjes ose shijes lidhur me COVID-19 u shëruan plotësisht brenda 2 viteve. Shërimi i vonë u vu re në 10.9% të pacientëve”.

Edhe pse pothuajse 90% e pacientëve e kanë rifituar shqisën e nuhatjes, këta pacientë duhej të duronin dy vjet pa perceptuar erëra, një përvojë që mund t’i kishte vënë shumë në vështirësi.

Dallimi i madh në simptomat dhe kohëzgjatja e sëmundjes tek ata që janë infektuar me Coronavirus ka bërë që shkencëtarët të hetojnë në thellësi se cilat janë arsyet: sigurisht numri i rëndësishëm i varianteve që shkaktuan ndryshimin e vazhdueshëm të virusit origjinale kontribuoi në rritjen eksponenciale të shfaqjes së simptomave të ndryshme, deri në 200.

Çdo variant – në fakt – shkakton simptoma të ndryshme në afat të shkurtër dhe për këtë arsye ka potencialin të shkaktojë simptoma të ndryshme edhe në afat të gjatë.

Prandaj, kërkimi italo-anglez nuk mund të konsiderohet përfundimtar, por është pjesë e një studimi të dimensioneve epike, duke pasur parasysh shtrirjen e pandemisë.