“Hyni brenda dhe qani,” u thotë një tabelë vizitorëve. “Edhe unë kam ankth”, shkëlqen një tjetër paralajmërim në ngjyrë rozë. Ka telefona në qoshe me emrat e njerëzve që mund t’i telefononi kur ndiheni të mërzitur, duke përfshirë një psikolog.

“Llorería”, ose dhoma e të qarit, lindi në Madrid me synimin për të rritur ndërgjegjësimin e shoqërisë për çështjet që lidhen me shëndetin mendor dhe per t’i ndihmuar ata qe ta kalojne ate pengese emocionale…

Një javë më parë, kryeministri spanjoll Pedro Sanchez njoftoi veçmas një fushatë të kujdesit për shëndetin mendor prej 100 milionë euro (116 milionë dollarë), e cila do të përfshijë shërbime të tilla si shërbimi 24-orësh i ndihmës për vetëvrasje.

“Jo tabu, është një çështje e shëndetit publik që duhet të flasim, të bëjmë të dukshëm dhe të veprojmë në përputhje me rrethanat”, tha ai për sëmundjet mendore kur nisi planin më 10 tetor, Ditën Botërore të Shëndetit Mendor.

Në vitin 2019, 3,671 njerëz vdiqën nga vetë*vrasja në Spanjë, shkaku i dytë më i zakonshëm i vd*ekjeve pas shkaqeve natyrore. Sipas të dhënave të qeverisë, një në 10 adoleshentë është diagnostikuar me një gjendje të shëndetit mendor, ndërsa 5.8% e popullsisë së përgjithshme vuan nga ankthi.