Është festë e madhe në Romë. Verdhekuqtë mundën 3-0 Monzën dhe për një natë fluturuan të vetëm në krye të renditjes së Serie A.
Fitorja e parë e plotë për skuadrën e Mourinho, i cili pas 1-0 kundër Salernitana dhe Cremonese, si dhe barazimit 1-1 në Torino kundër Juves, kapërceu avantazhin minimal ndaj debutuesve nga Brianza falë dopietës së Dybala në pjesën e parë dhe trefishimit të Ibanez në pjesën e dytë.
Kopertina është sigurisht “Joya”, autori i golave të parë zyrtarë me fanellën verdhekuqe. Argjentinasi rrumbullakosi gjithashtu 100 gola në Serie A, një moment historik i rëndësishëm i festuar në mënyrën më të mirë në rrjetet sociale.
Ish-lojtari i Juventusit, në bilbilin e trefishtë ripostoi “historitë” e Zaniolo, të vetë Romës dhe Celik në Instagram. “Çfarë emocioni të shënosh në këtë stadium. Super i lumtur për dopietën time të parë me fanellën verdhekuqe!
3 pikë, “maska” e parë e Dybala në Romë dhe 100 gola në Serie A”, – shkruajti Paulo në Instagram, duke shoqëruar mesazhin me zemër të verdhë dhe një e kuqe.
Shumë komentuan postimin e Dybala, shokët e skuadrës: Tammy Abraham dhe Chris Smalling, Papu Gomez dhe kampioni olimpik Marcell Jacobs. Me të gëzuan edhe juventinë si Patrice Evra, bardhezi nga viti 2014 deri më 2017, apo influencuesja e preferuar nga tifozët e “Zonjës së Vjetër”, Khaby Lame. Pastaj janë fansat kryeqytetas, tashmë të gjithë të çmendur pas “Joya”.
