Sulmuesi Luka Jovic do të largohet nga ekipi i Real Madridit dhe do të rikthehet në formë huazimi tek Eintracht Frankfurt. Një lëvizje e tillë është konfirmuar dhe nga drejtori sportiv i gjermanëve, Fredi Bobic.

“Luka Jovic është shumë pranë huazimit te ne deri në verë. Janë ende për t’u bërë disa gjëra, si vizitat mjekësore. Nëse gjithçka shkon mbarë. Ai do të rikthehet te ne sërish”, – tha zyrtari i lartë i gjermanëve.

Jovic u shit nga Frankfurti në verën e vitit 2019 për 63 milionë euro. Serbi nuk arriti të tregonte kurrë vlerat e tij të vërteta dhe ka nevojë të rilindë në një ekip larg Realit.