Pjesa e parë e Fiorentina-Juventus, e vlefshme për javën e pestë të kampionatit italian është mbyllur në barazim 1-1.
Nëntë minutë kanë mjaftuar për miqtë që të gjejnë golin e avantazhit me Milik, i cili ka gjetur një mënyrë të pazakontë për të shënuar.
Kundërpërgjigjja e vendasve ka ardhur njëzet minuta më vonë edhe falë një përgjumje të skuadrës së Massimiliano Allegri-t.
Në fakt, skuadra vjollcë ka realizuar me një kundërsulm të shpejtë pas një goditje këndi të bardhezinjve, me këta të fundit që janë kapur në befasi dhe janë ndëshkuar nga Kouame.
Dy minuta para fundit të ndeshjes ka ardhur një shans i artë për Fiorentina-n që të përmbyste ndeshjen pas një penalltie të shkaktuar nga Paredes për një prekje të topit me dorë në zonë.
Te pika e bardhë është paraqitur ish-sulmuesi i Real Madrid, Luka Jovic, goditja e të cilit është devijuar në shtyllë nga Perin.
VIDEO – PENALLTIA E JOVIC – VIDEO
