Dominik Szoboszlai, goditja e janarit e Leipzig, ka shpjeguar pse ka zgjedhur klubin gjerman para klubeve të tjerë që u interesuan për të.

“Jam me fat, shumë skuadra më donin dhe kam patur mundësinë të zgjedh. Kam marrë vendimin më të mirë për të ardhmen time dhe kam folur me trajnerin dhe drejtorin sportiv Knoche”, ka thënë hungarezi.

“Ata më kanë bindur. Te Salzburg-u kishim një stil loje t ë ngjashëm, kështu që shpresoj që të mos më duhet shumë kohë për t’u përshtatur dhe për të luajtur”.

“Do të jap gjithçka për të qenë sa më shpejt të jetë e mundur titullar, mund të luaj në disa pozicione. Mund të luaj si mesfushor, fantazist ose sulmues”.