Pse Cristiano Ronaldo-s nuk i është dhënë mundësia të japë kontributin e tij në një ndeshje që ka rezultuar të jetë e vështirë si ajo kundër Benevento-s?

Kjo është pyetja që shumë tifozë kanë bërë dhe që i është drejtuar edhe Andrea Pirlo-s, trajneri i Juventus-it, në intervistën e dhënë pas ndeshjes për Sky Sport:

“Ka patur një problem të vogël dhe të mërkurën në Champions ka dashur të luajë gjithsesi. Kishte luajtur shumë ndeshje me kombëtaren, është normale që të ketë lodhje dhe të pushojë. Këtë herë i ka takuar Ronaldo-s, por i ka takuar edhe të tjerëve”, ka thënë Pirlo.

“Është për të ardhur keq, sepse Ronaldo e ka treguar në çdo ndeshje se  çfarë mund të bëjë. Por edhe kur ai mungon, ne duhet të bëjmë ndeshjen tonë”.