A vlen diploma e shkolles? Pergjigjia e kesaj pyetje sigurisht dikur do te ishte nje “po” e madhe por ne ditet e sotme ku shume qe kane mbaruar shkollen nuk arrijne te sigurojne dot nje pune ne profesionin e tyre, mund te themi dhe se “ndoshta”…

Kjo sepse gjithcka lidhet me sa punetor jeni ose sa doni te sakrifikoni. Historia ne fjale eshte shume e pazakonte por edhe e bukur. Erlin Lala, nga fshati Jubë i Durrësit, vetëm me vëllain e tij ka mbjelle dhe kultivuar drithëra në 137 hektarë tokë. “Nga të cilat 55 ha janë grurë, 65 ha misër, 5 ha fasule dhe pjesën tjetër jonxhë.

Pothuajse se gjysmën e fshatit e kam mbjellë unë më vëllanë, pjesën tjetër fshatarët,” – ka deklaruar i riu në një intervistë për Top Channel. Ndryshe nga moshatarët e tij, Erlini thotë se puna që di të bëjë më mire, është të punojë tokën.

Edhe pse studimet i ka përfunduar për informatike ekonomike, 29-vjeçari thotë se kompjuterin nuk e ka ndezur kurrë, pasi që në vogëli pasioni i tij ka qenë bujqësia. Ndonëse i ri, fermeri që mbjell gjysmën e fshatit me grurë dhe misër, thotë se pasioni i tij është dhe patriotik.

Sipas Erlinit, Shqipëria i ka potencialet bujqësore që të fitojë pavarësinë nga gruri i eksportit. “Të hamë bukë shqiptare duhet filluar nga infrastruktura duke rregulluar rrugët dhe kanalet kulluese atëherë nuk do të mbesë asnjë copë toke pa mbjellë. Dhe nuk do të kemi nevojë për grurë eksporti”.