Njeriu i ndeshjes ne San Siro, i shpallur nga UEFA, Mason Mount ka pranuar  se arbitri Daniel Siebert mori nje vendim te gabuar për të perjashtuar Fikayo Tomori gabim gjatë ndeshjes së mbrëmshme mes Milan dhe Chelsea.

Pika kryesore e lojës erdhi në minutën e 18-të, pasi Siebert akordoi penalltinë dhe i tregoi Tomorit një karton të kuq, pasi e gjykoi se e kishte tërhequr Mount, edhe pse mesfushori arriti të leshonte goditjen e tij.

Jorginho e konvertoi penalltinë dhe më pas Pierre-Emerick Aubameyang shënoi sërish kundër ish-klubit të tij për t’i derguar Blutë në krye të grupit, që do të thotë se ata janë në rrugën e duhur për të kaluar në fazat e eliminimit ndërsa fati i Milanit varet në balancë.

Pasi Jorginho pranoi se kartoni i kuq ishte i ashpër, Mount tani ka folur me faqen zyrtare të Chelsea për të dhënë mendimet e tij për incidentin duke qenë se ai ishte në qendër të tij dhe as që dukej se apelonte.

“Ai është padyshim shoku im, unë e njoh Fikun për një kohë shumë të gjatë dhe u mërzita për të pasi e ndjeva se cfare po kalonte. Unë nuk mendoj se ishte një karton i kuq. Ishte penallti? Ndoshta po.

Unë jam një lojtar i ndershëm dhe dua të përpiqem të shënoj një gol dhe ai më tërhoqi pak mbrapa, por unë e kuptoj Fik per atë vendim qe arbitri mori. Është e vështirë”, tha ai.

“E ndjeva se po përpiqej të më tërhiqte, por unë vrapova drejt porte, kështu që nuk u rrezova pasi kisha ende një mundësi për të shënuar. Kështu që vazhdova, nuk shënova dhe më pas arbitri akordoi penallti. E pranon se ndoshta isha pak i befasuar, sepse ne realitet kisha kaluar dhe kisha bere goditje.

“Ishte e vështirë ta shihja Fik të përjashtohej. Ju ende dëshironi të luani 11 kundër 11 dhe të vazhdoni me dy skuadra të mira, kështu që ndoshta e prishi lojën pak. Ishte masive për ne dhe padyshim që donim ta fitonim ndeshjen, gjë që ia dolëm, por unë ende ndjej shumë për Fikun”