Trajneri i Juventusit, Massimiliano Allegri prezanton sfidën e vështirë që do ta shohë skuadrën e tij përballë Fiorentinës në Firence. Trajneri nis duke folur për ndjesitë në prag të një ndeshjeje që historikisht ka qenë gjithmonë e vështirë për Juventusin:

“Ndeshja e nesërme është më e vështira. Është gjithmonë Fiorentina-Juve, këto janë ndeshje të vështira për t’u luajtur. Nesër do të jetë e rëndësishme të marrim një rezultat”.

Nuk mund të mungojë bilanci i plotë i seancës së transfertave verore që përfundoi dje në orën 20:00: “Veshtire te flas per noten e merkatos, klubi ka punuar shumë mirë si në hyrje ashtu edhe në dalje. Mbetën të rinjtë dhe u futën lojtarët që donim”.

Allegri ka komentuar edhe ardhjen e nënshkrimit të ri të Paredes dhe një debutim të mundshëm që në fillim: “Ai erdhi me shumë entuziazëm, rrit cilësinë e mesfushorëve, me Locatelli, Fagioli, Miretti, kemi lojtarë cilësorë. Ende duhet të vendos formacionin”.

Së fundi, një raport për të padisponueshëm në Juventus dhe se kush mund të rikthehet për ndeshjen e nesërme: “Nesër do të ketë disa ndryshime, më duhet të vlerësoj. Leo është mirë, tani do të mendoj nëse do ta luaj nesër apo në Paris”.

Di Maria nuk është në kushte optimale, por mund të luajë. Nëse do te luaje 45 apo 60 minuta do të shohim. Për momentin dy të vetmet jashtë janë Pogba dhe Chiesa, nesër Rabiot nuk do të jetë sepse mori një goditje në kofshë të mërkurën”.