Milan vazhdon të përforcojë skuadrën e Stefano Pioli-t. Pasi arriti marrëveshjen për mbrojtësin e talentuar Thiaë, Djalli ka vendosur të përforcojë mesfushën.

Siç ka bërë të ditur Tuttomercatoweb, në fakt, Milan ka siguruar shërbimet e Aster Vranckx, mesfushor belg 19-vjeçar.

Është marrë me formulën e huazimit dhe të drejtën e blerjes për 12 milionë euro, plu 15% të shumës në rast të një shitje të lojtarit në të ardhmen.

E drejta e blerjes do të kthehet në detyrim në rast se lojtari do të luajë të paktën 20 ndeshje me kuqezinjtë.

Mesfushori do të zbarkojë në Milano mbrëmjen e sotme dhe nesër pritet të zhvillojë vizitat mjekësore  dhe më pas të prezantohet nga klubi i ri.

Futbollisti do të nënshkruajë një kontratë pesëvjeçare nga e cila do të përfitojë 1.5 milionë euro në sezon. Një tjetër goditje me perspektivë për kampionët e Italisë.