Sulmi rekord për lundrimin nëpër botë i propozuar nga kompania britanike Silversea Cruises ka zbuluar dëshirën e shumë njerëzve për të eksploruar planetin tonë.
Pavarësisht se kishte një kosto mbi 200,000 euro, biletat për lundrimin në “South Side Story”, që përfshin 139 ditë në 34 vende në 5 kontinente, u shitën në kohë rekord.
Pra, nëse nuk jeni ndër të paktët që kanë arritur të sigurojnë lundrimin nëpër botë që do të nisë në vitin 2023, gjithmonë mund t’i lejoni vetes një udhëtim midis kontinenteve duke ndjekur renditjen e monumenteve më të vizituara, sipas Tripadvisor Travelers’ Choice Awards.
Kërkesa për udhëtime ka arritur nivele edhe më të larta se koha para pandemisë dhe Tripadvisor, platforma më e madhe në botë e udhërrëfyesve të udhëtimit, ka publikuar renditjen e saj të vendeve më të mira për t’u vizituar, e cila përfshin monumente të përjetshme, si dhe thesare të fshehura, shumë larg nga rrugët më të rrahura si Ujëvarat e Iguazu dhe më shumë.
Renditja e Tripadvisor Travelers’ Choice Awards është hartuar nga Tripadvisor, që analizon mbi një miliard komente dhe opinione të komunitetit të tij mbi destinacionet në botë:
“Tripadvisor, – lexohet në njoftimin për shtyp, – analizon reagimet autentike të komunitetit të tij për të identifikuar dhe renditur udhëtimet më të mira në botë”.
Sagrada Familia renditet në vendin e 1 nga dhjetë atraksionet më të mira në botë për vitin 2022, sipas Tripadvisor Travelers’ Choice Awards. Monumenti i famshëm i projektuar nga arkitekti katalanas Antoni Gaudi është monumenti më i madh i papërfunduar në historinë e arkitekturës dhe artit botëror.
Është një kishë imponuese në Barcelonë, një sit i Trashëgimisë Botërore të UNESCO-s që nga viti 2005, së cilës Gaudi i kushtoi vitet e fundit të jetës së tij para se të vdiste pa e parë kurrë të përfunduar. Përfundimi i kantierit të madh të ndërtimit të Sagrada Familia u njoftua së fundmi për vitin 2023, vit në të cilin bie përvjetori i vdekjes së Antonì Gaudi.
Në vendin e dytë në renditjen e vendeve më të vizituara botërore është Koloseu i Romës, monumenti më ikonik dhe simbolik i qytetit të përjetshëm dhe i kulturës romake në botë.
Rrokaqielli i famshëm i Nju Jorkut, Empire State Building, i cili është parë në filma të shumtë dhe ka frymëzuar gjithashtu disa përralla romantike, renditet i treti në renditje.
Monumenti i katërt më i vizituar është Xhamia e Madhe Sheikh Zayed në Abu Dhabi. Muzeu Uffizi në Firence, Plaza de España në Sevilje, i përdorur së fundmi si skenografi e sfilatës së modës Dior Cruise, vijojnë në renditje, deri në vendin e dhjetë të zënë nga Fontana di Trevi në Romë.
