Robert Lewandowski, pasi u shpall “Këpuca e Artë” në Europë për sezonin që sapo u mbyll dhe kampion i Gjermanisë, e ka kthyer fletën. Ai po vijon përgatitjet me kombëtaren e vendit të tij, Poloninë, në funksion të Kampionatit Europian, që do të startojë së shpejti.

Bomberi i gjigantëve bavarezë ka dhënë spektakël në seancën e djeshme stërvitore, duke kryer një veprim në kufijtë e të paimagjinueshmes. Vetëm në kompjuter mund të “klonohen” gola të tillë, si ky në video. Do të mbeteni pa fjalë, shijojeni mrekullinë e yllit polak, që thyen edhe ligjet e fizikës.