Diskutimi për nominimet e javës, vazhdoi deri në orët e para të mëngjesit mes Oltës e Armaldos. Maestro u shpreh se gjashtë veta duhen për të shkuar deri pranë finales. Ai shtoi se pesë i ka në mendje, ndërsa për të gjashtin, do gjejnë dikë që ha biskota.

Duke folur për nominimet e së shtunës, Armaldo i tha Oltës se ata nuk janë të rrezikur. Olta shtoi se ajo, Luizi dhe Maestro nuk dalin në nominim, duke shtuar se ata nuk janë budallenj dhe dinë mirë t’i bëjnë llogaritë.

Armaldo e pyeti Oltës se çfarë do të bëjë ajo, nëse i jepet mundësia të hapë “Kutinë e Pandorës”. Olta tha se Vëllai i Madh nuk do e vë përpara kësaj situate, sepse sipas saj, nuk ka interes që shtëpinë ta lënë banorët e vjetër.