Loredana dhe Mozzik komentohen ende për raportin e tyre, edhe pse ka kohë që janë ndarë. Dyshja, të cilët janë prindër të një vajze, kanë pasur një marrëdhënie të trazuar me ndarje dhe ribashkime.

Për një ribashkim të mundshëm u hamendësua së fundmi, dhe shkak u bë një video e Loredanës. Reperja ka publikuar një video në TikTok dhe fansat mendojnë se ia ka dedikuar Mozzik-ut.

Në videon e publikuar, ajo ka treguar se si do të reagonte nëse do t’i shkruante ish-partneri. “Oh, dreqin… Ja ku ia nisëm përsëri”, thuhej në audio dhe menjëherë fansat vazhduan me komentet duke e lidhur me Mozzik-un.

Pas kësaj ka ardhur reagimi i reperes e cila ka shkruar: “Është thjesht një trend, njerëz!”, shkroi ajo para se të mbyllte komentet.

Kujtojmë që reperja zbuloi disa javë më parë, gjatë një interviste, se nuk ka asnjë kontakt me Mozzik. “Të gjithë mendojnë se ai nuk ka kontakt me vajzën tonë, por në fakt ai ka.

Kjo kalon nga motra ime sepse ajo kujdeset për vogëlushen time kur nuk jam aty. Por ne të dy nuk kemi asnjë kontakt më”, u përgjigj Loredana.

@loredanaofficial♬ original sound – For The Vibes Only