Këtë fundjavë Paul Pogba e gjeti veten i zhytur në zemëre te një historie të errët tentativash zhvatjesh nga një bandë e organizuar dhe si protagonist i një videoje shumë të drejtpërdrejtë ndaj tij nga një prej vëllezërve të tij, Mathias. Ky i fundit kishte premtuar ditët e fundit “zbulime të mëdha” për mesfushorin e Juventusit dhe iu referua një historie që përfshin edhe Kylian Mbappé.

Në një tekst të lexuar para kamerës dhe të publikuar të shtunën mbrëma në TikTok në katër gjuhë (frëngjisht, italisht, anglisht dhe spanjisht), Mathias premtoi të bënte “zbulime të mëdha” për vëllain e tij, si dhe për agjenten e tij Rafaela Pimenta.

Në një deklaratë të përbashkët të mbërritur në orët në vijim, avokatët e lojtarit të Juventusit dhe Rafaela Pimenta do të zbulojnë se Paul Pogba tashmë ishte subjekt i “kërcënimeve” dhe “përpjekjeve për zhvatje në një bandë të organizuar” dhe se “autoritetet kompetente në Itali. dhe Franca kanë hetuar një muaj më parë”.

Kjo çështje mes vëllezërve Pogba mori kthesë ligjore më 3 gusht, kur në Francë u hap një hetim për “tentativa të dyshuara për zhvatje” ndaj kampionit të botës 2018 me shërbimet e Drejtorisë Qendrore të Policisë Gjyqësore (DCPJ). Agjencia saktësoi se Paul Pogba do të shantazhohej për të shmangur shpërndarjen e videove, gjoja komprometuese ndaj tij dhe shuma e kërkuar ishte 13 milionë euro.

Mathias reagoi shpejt me një sërë mesazhesh të postuara në Twitter (“Shpresoj që të mos mashtroheni nga një përpjekje për të manipuluar mediat dhe autoritetet”), ndërsa France Info zbuloi detaje të tjera për këtë çështje në të njëjtën kohë.

Pas rrëfimit para hetuesve, mesfushori aktual i Juventusit do të kishte siguruar se u frikësua vazhdimisht nga një bandë e përbërë nga vëllai i tij Mathias dhe miqtë e fëmijërisë, të cilët pranverën e kaluar do ta kishin rrëmbyer për disa orë në një dhomë ku ndodheshin gjithashtu dy persona me kapuç të arma*tosur.

Marrëdhënia mes Paul dhe Mathias do të kishte shpërt*hyer disa muaj më parë, duke qenë se i pari ishte i pranishëm në mars në një mbrëmje gala të organizuar nga ky i fundit në hotelin prestigjioz Shangri-La, në lagjen e 16-të të Parisit.

Buzëqeshje të mëdha dhe situatë krejt normale për dy vëllezërit, të cilët u shfaqën së bashku për nisjen e shoqatës ‘Golden Score’, krijuar nga Mathias Pogba, e cila synon të këshillojë dhe ndihmojë sportistët të përgatiten për pas karrierës. Situata tani duket se është jashtë kontrollit.

Përveç gjithë kësaj gjëje ka edhe një pjesë të errët që i referohet magjisë. Sipas France Info, Mathias Pogba dhe shantazhuesit e kishin kërcënuar Paulin që ta diskreditonte duke postuar mesazhe audio në të cilat ai do t’i kërkonte një ‘marabout’, një njeriu të shenjtë mysliman, pranë familjes së tij që të bënte magji për shokun e tij të skuadrës francez Kylian Mbappé.

Mbrëmjen e së dielës Mathias formuloi akuza të reja të rënda ndaj vëllait të tij në Twitter: “Nuk është çështje parash: më përfshive në gjirin tim, për pak sa nuk vdi*qa për ty, më le në vrimë duke ikur dhe dëshiron të luash rolin e të pafajshmit. Kur të thuhet gjithçka, njerëzit do të shohin se nuk ka më frikacak, më tradhtar dhe më hipokrit se ti në këtë tokë”.

Për aferën në lidhje me Mbappe-n ai shtoi: “Kylian, tani e kuptove? Nuk kam asgjë negative kundër teje, fjalët e mia janë për të mirën tënde, gjithçka është e vërtetë dhe e provuar! Më fal për atë vëlla, një kështu -i quajtur musliman i thellë në magji, nuk është kurrë mirë të kesh një hipokrit dhe një tradhtar pranë vetes!”. Ndërkohë që pritet të zbardhen detajet e aferës Pogba, kjo telenovelë duket se sapo ka nisur.