Në festivalin “Sunny Hill” që u organizua në Tiranë, Dua Lipa nuk ishte e pranishme. Arsyen e mungesës së saj e ka shpjeguar për “Jo Vetëm Modë”, babai i saj Dukagjin Lipa, njëherësh organizator i koncertit Sunny Hill.

Sipas Dukagjinit, datat e Duas kanë qenë të kufizuara dhe kjo ka qenë vetëm një arsye. Arsyeja tjetër ka qenë për t`i dhënë rëndësinë e duhur Action Bronson.

“Action Bronson ka qenë një prej atyre që unë e kam pasur dëshirë që ai të vinte në Tiranë. E kam pasur mysafir Action Bronson në vitin 2018 në Prishtinë dhe ka qenë një kënaqësi shumë e madhe për të, më së pari që të vizitojë vendin e vet sepse babain e ka nga Kosova, nënën e ka amerikane.

Ne si shqiptarë e ndiejmë veten në shtëpi edhe në Tiranë, edhe kudo në Shqipëri, kështu që kam pasur qejf që hera e parë në Tiranë të jetë Action Bronson si përfaqësues i hip hopit.

Dua ishte në Prishtinë, ka qenë ndoshta, mos të them informatë e gabuar, por ajo nuk mund të ishte këtu, datat e limituara, nuk mund të ishte në dy vende. Tirana është këtu, nuk po shkon askund, do ta bëjmë prapë. Po shpresojmë ta shohim shpejt”, tha Dukagjini.