Zyrtari i Real Madridit, Emilio Butragueno, ka folur në lidhje me të ardhmen e Luka Modricit. Ai ka theksuar se kroati do të nënshkruajë një kontratë të re, pasi është luks të kesh një lojtar të kalibrit të tij në skuadër.

“Ka lojtarë si Modric që e përmirësojnë këtë sport. Pasimi i tij për Mendyn ishte fantastik. Është luks ta kemi në ekip. Ai na ka dhënë shumë dhe vazhdon e të na japë dhe do na japë.

“Zidane? Të gjithë e dimë se çfarë do të thotë Zidane për ne. Ne duam që ai të kthehet sa më parë në dispozicion. Kur skuadra nuk fiton, ne duhet të dëgjojmë komente të tilla që nuk jemi mirë”, – tha ai.