Shqipëria

Deri në orët e pasdites vendi ynë do të jetë nën dominimin e motit të kthjellët, më të theksuara kthjellimet do të jenë në zonat bregdetare.

Ndërsa në orët vijuese pritet që vranësirat gradualisht të bëhen më të dukshme në territor, ku në zonat malore do të jenë më të dendura.

Po ashtu, pjesërisht zona e ulët do të ketë momente të shkurtra me vranësira të dukshme. Sipas MeteoAlb temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga 13°C deri në 36°C.

Era do të fryjë mesatarisht me shpejtësi mbi 35 km/h nga drejtimi Veriperëndimor duke krijuar në brigjet detare dallgëzim 2 ballë.

Kosovë

Sot do të ketë mot  të kthjellët në të gjithë territorin e Kosovës, por  pas-mesditës dhe në vijim do të ketë
shtim të vranësirave dhe lagështirës të lartë në ajër duke bërë që i nxehti të ndjehet edhe më shumë.

Maqedonia e Veriut

MV gjatë paradites paraqitet  në ndikimin e motit të kthjellët dhe temperaturave të larta por  orët e pasdites do të kenë kalime vranësirash në të gjithë MV.

Mundësia për reshje është thuajse zero. Kjo situatë meteorologjike do të na shoqërojë edhe gjatë natës.