Ambientalisti i njohur, Sazan Guri ishte i ftuar së fundmi në emisionin “Ftesë në 5” ku u diskutua rreth kujdesit që kanë në përgjithësi në shqiptarët për dhëmbët. Një studim i fundit i Organizatës Botërore të Shëndetësisë tregonte se 1 në 3 shqiptarë mbi moshën 60 vjeç nuk kanë dhëmbë.
Kjo në fakt është parë si një e dhënë alarmuese për vendin tone, teksa të ftuarit në studio “fajësuan” kushtet e vështira dhe eksperiencën e pamjaftueshme të stomatologëve vite më parë, që më lehtë e kishin të shkulnin dhëmbët sesa të realizonin mbushje të tyre.
Sazan Guri tregoi sesi aksidentalisht i kishin hequr 3-4 dhëmballë që s’ duheshin hequr. Më tej ai sugjeroi që dhëmbët të lahen me gisht dhe jo më furçë, pasi kjo e fundit pastron vetëm 20 përqind të papastërtive.
“Furça vetëm 20 përqind pastron, ndërsa 80 përqind pastrohet më mire me gisht. Me gisht, masazh me gisht… gishti i kuranit ka lezet…”, tha ai, ndërkohë që kjo deklaratë u prit me të qeshura në studio.
