Një studim i ri, ka konfirmuar se konsumimi i të paktën katër filxhanëve çaj në ditë, mund të zvogëlojë rrezikun e zhvillimit të diabetit.

Studimi zbuloi se pirja e çajit të zi ose jeshil çdo ditë lidhej me një rrezik 17% më të ulët të diabetit për një mesatare prej 10 vjetësh. Gjetjet bazohen në një rishikim të 19 studimeve që përfshijnë më shumë se një milion njerëz.

Hulumtimet e mëparshme kanë treguar tashmë se çaji mund të jetë i dobishëm për shëndetin, pjesërisht sepse ai përmban antioksidantë dhe polifenole që mund të mbrojnë kundër sëmundjeve.

“Rezultatet tona janë emocionuese sepse sugjerojnë që njerëzit mund të bëjnë diçka kaq të thjeshtë sa të pinë katër filxhanë çaj në ditë për të reduktuar potencialisht rrezikun e zhvillimit të diabetit”, u shprehautori kryesor Xiaying Li nga Universiteti i Shkencës dhe Teknologjisë në Kinë.