Maja e Dhaulagirit, është maja e shtatë më e lartë në botë, plot 8’167m mbi nivelin e detit. Kjo majë, ndodhet në masivin e Himalajave.

Ngjitjet në këtë maja bëhen përgjatë dy sezonave, pranverë dhe vjeshtë. Alpinistja nga Kosova, Uta Ibrahimi e ka sfiduar këtë majë, duke tentuar të ngjitet pavarësisht vështirësive të mëdha.

Në një lidhje me Skype për “ABC e Mëngjesit”, ajo ka ndarë emocionet e kësaj eksperience dhe reflektimin që ka pasur teksa ngjitej në majën e lartë.

“Paraprakisht kuptojmë sezonin më të përshtatshëm që është më e mirë për tu ngjitur në maja. Në këtë rast ishin dy sezone pranvera dhe vjeshta, pasi varet kur ka më shumë reshje apo borë. Ka alpinistë që vendosin se kur duhet të shkojnë.

Secila histori e Himalajeve ka diçka të veçantë. Kjo sepse kur nuk arrin t’ja dalësh, reflekton diçka rreth vetes. Tërë kohën mundohesh të gjesh arsyen pse nuk arrite deri në majë.

Ishte borë dhe shi, edhe ne na duhej 2 ditë për të mbërritur dhe për t’u kthyer. Nuk kemi pasur kohë të bëjmë akoma muajin e mjaltit, se kemi pasur punë. Unë kam pasur edhe projektin e Himalajave dhe kështu nuk kemi shkuar”, u shpreh Uta Ibrahimi.