Rasti i largimit të Bora Zemanit nga Për’puthen, bëri një zhurmë e madhe në rrjet për një mosmarrveshje të mundshme me Olsa Muhametin.

Por, postimi i fundit i autores së programit të dashurisë ndaj moderatores, hedh poshtë gjithçka. Olsa i ka dedikuar disa story në Instagram Borës, ku shprehet me fat që ka punuar me të.

“Nuk di nga t’ja nis e nuk di ku të mbaroj. Ti e di sa të vlerësoj në çdo aspekt, profesional, njerëzor, si këshilluese, si super mike që je, etj.

Kam qenë me fat që të kam njohur e po aq me fat që kam punuar me ty. Dhe mezi pres të të shoh të shkëlqesh në “Dancing with the Stars. Ta dish se të dua shumë”- shkroi Olsa.

Nuk ka munguar edhe reagimi publik i Bora Zemanit e cila e konsideron këtë si një ndarje të bukur. “Ja që ka edhe “ndarje” të bukura!” Mbyllëm dy sezone të forta por që do kujtohen me nostalgji e do na marrë malli gjithmonë! Faleminderit për mbështetjen që nuk ma ke kursyer asnjëherë!

Kam besim që do bësh gjëra edhe më të bukura me energjinë dhe përkushtimin tënd! Tani, ta lemë ndarjen profesionale dhe kthehemi tek lidhja shoqërore. Nesër e lamë atë kafen?”, shkroi Bora.