Një formë e re e koronavirusit po përhapet me shpejtësi në New York dhe ka një mutacion që mund të dobësojë efektivitetin e vaksinave.
New York Times raporton dhe citon dy studime, një nga Caltech dhe një nga Columbia.
Varianti i ri quhet B.1.526 dhe përmban një mutacion që mund të ndihmojë virusin të shmang sistemin imunitar.
Presidenti amerikan Joe Biden ndërkohë ka zgjatur urgjencën kombëtare për shkak të Covid. “Covid 19 vazhdon të shkaktojë rreziqe të konsiderueshme për shëndetin publik dhe sigurinë në vend. Për këtë arsye urgjenca kombëtare e shpallur në 13 Mars 2020 dhe e cila filloi në 1 Mars 2020, duhet të vazhdojë të mbetet në fuqi pas 1 Marsit. 2021 “, lexohet në një shënim.
Ndërkohë, Kalifornia kalon 50,000 viktima, duke u bërë shteti i parë i SHBA që kalon këtë kufi.
Kjo vjen pasi një variant i virusit i gjetur në Kaliforni gjatë dimrit po përhapet me shpejtësi dhe tani përbën 50% të infeksioneve në 44 qarqe.
“Covid i gjatë”, ose efektet afatgjata të koronavirusit që prekin misteriozisht një numër të konsiderueshëm pacientësh duhet të jenë përparësia e autoriteteve shëndetësore.
Këtë e deklaroi drejtori i OBSH-së në Evropë, Hans Kluge, në një konferencë për shtyp.
Kluge përdori termin anglez ‘Covid i gjatë’ për të përshkruar një fenomen të përhapur në zonë dhe kjo është se pas 12 javësh nga koronavirusi një në 10 njerëz të infektuar nuk është ende në gjendje të mirë shëndetësore.
